Ubangiji Mai Girma Da Buwaya Ya Halicci Rayuwa Ne da Mutuwa Domin Ya Jarabci Bayinsa Yaga Wannene Cikinsu Zaifi Kyautata Ayyukansa Nagari, Sai Ya Saka Masa da Gidan Aljannah A Lahira, Kuma Wanda Ya Munana Ayyukansa Akayi Masa Tanadin Azabar Wuta. Allah (ﷻ) Yana Cewa:

{الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ}
[الملك: ٢]

“Shine Wanda Ya Halicci Rayuwa Da Mutuwa Domin Ya Jarabceku Yaga Wa Yafi Kyautata Aiki A Cikinku, Lallai Shi Mabuwayi Ne Mai Gafara”.
(Mulk: 2)

Ranar Ƙiyama Ranace Da Ubangiji Ya Tanadeta Domin Gabatar da Sakamakon Ayyukan da Aka Aiwatar Anan Duniya. Wannan Sakamakon Kuwa Zai Kasance Ne Gwargwadon Aikin Da Mutum Yayi a Duniya.

Ubangiji (ﷻ) Zai Tayar da Mutane Ne Akan Abinda Suka Mutu Suna Aikatawa Na Quduri, Ko Aiki Ko Magana; Sai Yayi Musu Sakamako Da Gwargwadon Abinda Suka Aiwatar, Kamar Yanda Manzon Allah (ﷺ) Yake Cewa:

عن جابر بن عبدالله رضي الله تعالى عنه-: أنَّ النبيَّ ﷺ قال: {من مات على شيءٍ بعَثَه اللهُ عليه}
[أخرجه مسلم: ٢٨٧٨]

An Karɓo Daga Jabir bn Abdallah (ra), Lallai Annabi (ﷺ) Yace: “Duk Wanda Ya Mutu Yana Aikata Wani Abu, Allah Zai Tayar Dashi Ne Yana Aikata Wannan Abin”.
(Muslim: 2878)

Duba Da Wannan Hadisin da Ya Gabata Zamu Fahimci Muhimmancin Zamowa Mutum Nagari A Rayuwa, Wanda Shine Zaiyi Maka Jagora Zuwa Ga Kyakkyawan Ƙarshe.

Har Wayau Hadisi Ya Inganta Manzon Allah (ﷺ) Yana Cewa:

عن جابر بن عبدالله رضي الله تعالى عنه قال-: سمعت النبي صلى الله عليه وسلم يقول: {يبعث كل عبد على ما مات عليه}
[صحيح مسلم]

An Karɓo Daga Jabir bn Abdallah (ra) Yace: Naji Manzon Allah (ﷺ) Yana Cewa: “Ana Tayar da Kowane Bawa Ne Akan Abinda Ya Mutu Yana Aikatawa”.
(Muslim)

Kenan Wanda Ya Mutu Yana Zina Ko Caca Ko Sata Ko Shan Giya, Duk Ubangiji Zai Tashesu Ne Ranar Ƙiyama Suna Yin Wannan Munanan Aikin. Haka Kuma Wanda Ya Mutu Yana Sallah Ko Da Azumi a Bakinsa, ko Yana Ƙaratun Alqur'ani Ko Yana Aikin Hajji, Ubangiji Zai Tasheshi ne Ranar Ƙiyama Yana Aikata Wannan Aikin. Kamar Yanda Hadisi Ya Tabbata Akan Hakan:

عن ابنِ عبَّاسٍ رضِيَ اللهُ عنهما قال: (أُتِي النبيُّ صلَّى اللهُ عليه وسلَّمَ برَجُلٍ وقَصَتْه راحلتُه، فماتَ وهو مُحرِمٌ، فقال: كفِّنوه في ثَوبيهِ، واغْسِلوه بماءٍ وسِدرٍ، ولا تُخمِّروا رأسَه؛ فإنَّ اللهَ يَبعثُه يومَ القِيامَةِ يُلبِّي)
[رواه أبي داودَ]

An Karɓo Daga Ibn Abbas (ra) Yace: Anzowa Annabi (ﷺ) Da Wani Mutum Da Dabbarsa Ta Takashi Sai Ya Mutu Yana Sanye Da Ihrami, Sai Manzon Allah (ﷺ) Yace: “Kuyi Masa Likkafani Da Tufafinsa, Kuma Ku Wankeshi da Ruwa Da Magarya, Kada Ku Rufe Kansa; Domin Allah Zai Tasheshi Ne Ranar Ƙiyama Yana Talbiyya”.
(Abi-Daud Ya Ruwaitoshi)

Yana Daga Cikin Abu Mafi Tashin Hankali Ga Bawa, Rashin Sanin Akan Me Zai Koma Ga Allah. Maganin Wannan Tashin Hankalin Kuwa Shine Ka Kasance Cikin Biyayya Ga Ubangiji Domin Mutuwa ta Sameka Akan Hakan Ya Zamo Kayi Kyakkyawan Ƙarshe.

Ibn Kathir (rh) Yana Cewa: “Duk Wanda Ya Rayu Akan Wani Abu, To Kuwa Zai Mutu Akan Wannan Abin. Duk Wanda Kuma Ya Mutu Akan Wani Abu, Za'a Tayar Dashi Ne Yana Aikata Abin”.

Ɗan Uwa Za6i Ya Rage Garemu! Kodai Mu Dage Mu Tafiyar da Rayuwar Cikin Biyayya Ga Ubangiji Mu Mutu Akan Hakan Don Ubangiji Ya Tashe Mu Akan Hakan, Ko Kuma Mu Aikata Akasin Hakan.

ALLAH UBANGIJI KA KYAUTATA RAYUWAR MU KA AZURTAMU DA KYAKKYAWAN ƘARSHE, DA MAFI KYAWUN MASAUƘI A LAHIRA

_*✍